မြန်မာ့နွေဦးတော်လှန်ရေးတပ်ဦး (BSRF)၏ ရန်ပုံငွေအားလုံးကို ပြည်ပ နှင့် နိုင်ငံရပ်ခြားအသီးသီးမှ မြန်မာနိုင်ငံသားများ၊ စေတနာထက်သန်သော မိတ်ဆွေသူငယ်ချင်းများ နှင့် အခြားသော ပြင်ပအလှူရှင်များက ပံ့ပိုးထားပါသည်။ မြန်မာ့နွေဦး တော်လှန်ရေးတပ်ဦး (BSRF)၏ အမာခံအဖွဲ့ဝင်များသည် ကွန်ရက်ကဏ္ဍအသီးသီးရှိ လုပ်ငန်းစဉ်များလည်ပတ်နိုင်ရန် စေတနာ့ဝန်ထမ်းအနေဖြင့် ၎င်းတို့၏ ကျွမ်းကျင်မှုနယ်ပယ်အလိုက် ပညာရပ်အင်အား၊ အချိန်အင်အားများမြှုပ်နှံကာ ကြိုးပမ်း ဆောင်ရွက်လျက်ရှိပါသည်။ သို့ရာတွင် အဖွဲ့ဝင်များ ကိုယ်တိုင် ပါဝင် ဆောင်ရွက်ရန်ခက်ခဲသည့် အချို့သောအခြေအနေများ၌မူ လုပ်ငန်းစဉ်ဖြစ်မြောက်ရေးအတွက် ပြင်ပမှကျွမ်းကျင်သူများအား အခကြေးငွေပေးဆောင်၍ အကောင်ထည်ဖော်ရသည့် အနေအထားများလည်းရှိပါသည်။ မြန်မာ့နွေဦးတော်လှန်ရေးတပ်ဦး (BSRF)အနေဖြင့် မြန်မာ့နွေဦးတော်လှန်ရေး၊ တရားမျှတမှု ပြန်လည်ရရှိရေး၊ လူ့အခွင့် အရေးနှင့် အသွင်ကူးပြောင်းရေးကာလဆိုင်ရာ တရားမျှတမှုရရှိရေးအတွက် ဆောင်ရွက်နေသော လုပ်ငန်းစဥ်များဖြစ်မြောက် ရန် ပါဝင်ကူညီပံ့ပိုးသူများအားလုံးကို အထူးကျေးဇူးတင်ရှိပါသည်။